Abdul Kalam is an inspiration to the youth

* అబ్దుల్ కలామ్ యువతకు స్ఫూర్తి*

సాదా జీవనం, ఉన్నతమైన ఆలోచనలతో కొనసాగిన జీవితం: ఆయన రామేశ్వరం అనే చిన్న పట్టణంలో జన్మించారు. వారి కుటుంబం పేదరికంలో ఉన్నప్పటికీ, విద్యపై ఉన్న ఆయన కోరిక నిరంతరంగా ముందుకు నడిపింది. ఈయన పాఠశాల చదువుకుంటూనే పేపర్ బాయ్ గా చేశాడు, కానీ కష్టపడే అలవాటు, క్రమశిక్షణ ఆయనను మహోన్నత స్థాయికి తీసుకువెళ్ళాయి.

డాక్టర్ అబ్దుల్ కలామ్ యువతకు స్ఫూర్తినిచ్చే ఆలోచనలు మార్గాలు అనేకం. ఆయన జీవిత చరిత్ర, పని తీరు, సందేశాలు.

కలామ్ గారు తరచుగా చెప్పే మాట "స్వప్నం కనాలి, దానిని సాకారం చేయాలి."

ఒరేయ్ లేవరా... అప్పటికే 10 సార్లు పిలిచింది. ఇంక తట్టుకోలేక గట్టిగా ఒక్క దెబ్బ వేసింది తల్లి... అబ్బా అమ్మా ష్.. కలామ్ కలలు కనమంటే కంటుంటే నిద్ర లేపావు అంటూ కసు్ మన్నాడూ... ఈనాటి యువత ఇలా ఉన్నారు...

స్వప్నం కనడం - విజయానికి మార్గం

చిన్నప్పటి నుంచి రఘు ఆకాశాన్ని చూసి, ఒక రోజు పైలట్ కావాలని కలగంటూ ఉండేవాడు. కానీ, రఘు కుటుంబం చాలా పేదది. గ్రామంలోని అందరూ అతనికి పైలట్ అయ్యేందుకు అవకాశం లేదని, అది చాలా కష్టమని చెబుతుండేవారు.

రోజులు గడుస్తున్నాయి. రఘు తన స్వప్నం గురించి ఆలోచిస్తూనే ఉండేవాడు. ఒక రోజు, గ్రామంలో ప్రవేశించిన ఒక పెద్ద వ్యక్తి, కాంపిటేషన్ ఎగ్జామ్స్ గురించి వివరించారు. పైలట్ కావడం సాధ్యం అనిపించింది, కానీ కష్టపడడం అనివార్యం అని చెప్పారు.

రఘు తన ప్రయత్నంలో లభించే కష్టాలు, అవమానాలు పట్టించుకోకుండా కష్టపడి చదువుతూ, ప్రతి అవకాశాన్ని సద్వినియోగం చేసుకునేలా మారాడు. అతను ప్రతిరోజూ మూడు గంటలు ఎక్కువగా చదివి, పైలట్ ట్రైనింగ్ కోసం ఆవశ్యకమైన పరీక్షను ఉత్తీర్ణత సాధించాడు.

అతని పట్టుదల, ఆత్మవిశ్వాసం ఫలించింది. కొన్ని సంవత్సరాల తర్వాత, రఘు పైలట్ అవ్వడమే కాకుండా, తన గ్రామానికి కూడా గౌరవం తీసుకువచ్చాడు. ఇప్పుడు, రఘు ప్రతి చిన్నపిల్లకు “స్వప్నం కనడం ముఖ్యం, వాటిని సాకారం చేయడానికి ప్రయత్నం చేయండి” అని స్ఫూర్తినిచ్చేవాడు.

స్వప్నం కేవలం కలగా ఉండకూడదు. దాన్ని సాకారం చేసే ప్రయత్నం చేయాలి. కష్టాలు వచ్చినా, పట్టుదలతో ముందుకు సాగితే, విజయాన్ని సాధించవచ్చు.

* కష్టమే ఫలితానికి నూతన మార్గం అని కలామ్ గారు నమ్మకం. కఠిన సాధన, పట్టుదలతో మాత్రమే మన లక్ష్యాలు సాధ్యం.

కష్టపడే తీరు - విజయానికి బాట

మనోహర్ కి చదువుపై చాలా ఆసక్తి, అయితే అతని కుటుంబం చాలా పేదది. మనోహర్ ఎంత ఆర్థికంగా వెనుకబడి ఉన్నప్పటికీ, అతనికి ఉన్నది ఒకే ఒక లక్ష్యం — అతను ఇంజనీరింగ్ చదివి, ఒక మంచి ఉద్యోగం పొందాలని ఆశించాడు.

అతని సహాధ్యాయులు సౌకర్యవంతమైన పుస్తకాలు, ఉపకరణాలు పొందుతున్నప్పుడు, మనోహర్ వసతులు లేకపోయినా కష్టపడుతూ ముందుకు సాగేవాడు. ఆయన ప్రతి రోజు మూడు షిఫ్టులు పని చేసి, రాత్రిపూట తన చదువు కోసం సమయం కేటాయించేవాడు. కష్టపడటం తన అస్త్రంగా భావించేవాడు.

ఇంటర్నెట్, ట్యూటర్ వంటి సౌకర్యాలు లేకపోయినా, అతను పాత పుస్తకాలు, పెద్దల సహాయం తీసుకుంటూ తన చదువు కొనసాగించాడు. మధ్యలో చాలా సార్లు నిరాశ కూడా కలిగింది, ఎందుకంటే అతని స్నేహితులు కేవలం కష్టపడకుండా విజయాన్ని పొందుతూ ఉన్నారు.

అయినప్పటికీ, మనోహర్ ఎప్పుడూ నిలకడగా కష్టపడటాన్ని ఆపలేదు. ఎట్టకేలకు, అతను ఇంజనీరింగ్ ప్రవేశ పరీక్షలో అత్యుత్తమ ర్యాంకు సాధించాడు.

మనోహర్ ఒక మంచి ఇంజినీర్‌గా మారి, తన కుటుంబాన్ని ఆర్థికంగా నిలబెట్టాడు. గ్రామంలోని యువతకు "కష్టమే మనకు నూతన మార్గం చూపుతుంది. కష్టపడి ముందుకు సాగితే ఏ దారి కష్టమనిపించదు" అని స్ఫూర్తినిచ్చేవాడు. కఠిన సాధన, పట్టుదలతో మనల్ని ఆగకుండా ముందుకు నడిపిస్తుంది.

* నిలకడగా ఉండటం: జీవితంలో సవాళ్లు ఎదురైనా అవన్నీ అనుభవాలుగా తీసుకొని ముందుకు సాగాలని చెప్పారు.

నిలకడతోనే విజయానికి

రమ్యకి చిన్నప్పటి నుంచే సింగర్ అవ్వాలని కలలు కనేది. కానీ ఆమె ప్రయాణం అంత సులభం కాదు. రమ్య చాలా ప్రయత్నాలు చేసినప్పటికీ, ప్రతి సంగీత పోటీలో ఆమెకి తిరస్కారమే ఎదురయ్యేది. ఒకసారి, ఒక పెద్ద పోటీకి వెళ్లినప్పుడు రమ్య అనుకున్నంత విజయాన్ని సాధించలేదు. జడ్జీలు ఆమె గొంతును తప్పు పట్టారు, పలువురు ఆమెకు విసుగు కలిగించేలా మాట్లాడారు. రమ్య ఎంతో కష్టపడి ప్రాక్టీస్ చేసినప్పటికీ, ఆమెకు తిరస్కారాలు తప్ప మరేదీ లభించలేదు. ఆ పరిస్థితుల్లో, చాలామంది ఉన్న చోట ఆగిపోతారు. కానీ రమ్యకు మాత్రం తన స్నేహితురాలు చెప్పిన ఒక మాట గుర్తు వచ్చింది — "సవాళ్లు మన పాఠశాల. ప్రతి తిరస్కారం ఒక పాఠం. దాన్ని నేర్చుకొని మరింత బలంగా ఉండాలి." ఈ మాటలు రమ్యకు మార్గదర్శకంగా మారాయి.ఆమె తన ప్రతి తప్పును తెలుసుకొని, తన సంగీతంలో మెరుగుదల కోసం మరింత కష్టపడింది. తిరస్కారాలు వచ్చినప్పుడల్లా, వాటిని అనుభవాలుగా తీసుకొని, మరింత పట్టుదలతో ముందుకు సాగింది. కొన్నేళ్ల తరువాత, రమ్య ఒక ప్రముఖ గాయనిగా ఎదిగి, అనేక బహుమతులు, ప్రశంసలు పొందింది.

విజయం తట్టుకుని నిలబడటానికి మాత్రమే కాదు, సవాళ్లను ఎదుర్కొని నిలకడగా ఉండటమే ఆమె గెలుపు వెనుక కారణం.

* స్వీయవిశ్వాసం: కలామ్ గారు తన జీవితంలో ఎన్ని కష్టాలను ఎదుర్కొన్నప్పటికీ, ఎప్పుడూ తనపై నమ్మకాన్ని కోల్పోలేదు. యువత కూడా తమ శక్తులను అర్ధం చేసుకొని, స్వీయవిశ్వాసంతో ముందుకు సాగాలని స్పూర్తి ఇచ్చారు.

స్వీయవిశ్వాసం - విజయానికి బలమైన ఆయుధం

శేఖర్ కుటుంబం పేదది, అందువల్ల

మంచి విద్యా సౌకర్యాలు ఉండేవి కావు.కానీ శేఖర్ కంట్లో ఒక పెద్ద కల ఉండేది — ఆయన సైన్స్ లో గొప్ప ఆవిష్కర్త కావాలని భావించాడు. అతను కొత్త కొత్త ఆలోచనలు చేసే ప్రయత్నంలో చాలాసార్లు విఫలమయ్యాడు.తన పరిస్థితులు చూసిన గ్రామంలోని కొంతమంది శేఖర్‌ను ఎగతాళి చేసేవారు. "నీకు ఈ స్థాయి చదువులు అర్థమవ్వవు. నీకు ఏవైనా ఆవిష్కరణలు చేయడం అసాధ్యం" అని అనేవారు. కొంతమంది అతనికి మానసికంగా కూడా కృంగిపోతుండేలా మాట్లాడేవారు.

కానీ శేఖర్ వాటిని పట్టించుకోలేదు. ఎందుకంటే, అతనికి తన శక్తి మీద నమ్మకం ఉంది. ఆత్మవిశ్వాసమే అతనికి గొప్ప ఆయుధం. అతను తన శక్తులను అర్థం చేసుకొని, ఎదుటి వారి మాటలను వినకుండా తన ప్రయోగాల మీద శ్రద్ధ పెట్టాడు. రోజుకు కొన్ని గంటలపాటు కష్టపడి కొత్త విషయాలు నేర్చుకునేలా మారాడు.

చిన్న ప్రయోగాలు విఫలమైనా, శేఖర్ వాటిని పాఠాలుగా తీసుకొని ముందుకు సాగేవాడు. కొన్ని సంవత్సరాల తరువాత, అతనికి సైన్స్ రంగంలో ఒక పెద్ద ఆవిష్కరణ చేయడం సాధ్యమైంది. అతని ఆవిష్కరణను ప్రభుత్వం గుర్తించి, అతనికి అవార్డు కూడా అందించింది. శేఖర్ సాధించిన విజయాన్ని చూసిన గ్రామంలోని వాళ్లు అతనిని ప్రశంసిస్తూ, అతని పట్టుదల, ఆత్మవిశ్వాసాన్ని స్ఫూర్తిగా భావించారు. శేఖర్ తన సొంత నమ్మకంతోనే ఈ స్థాయికి చేరుకున్నాడని అందరూ అంగీకరించారు.

* స్వీయవిశ్వాసం మనకు ఎదురయ్యే కష్టాలను అధిగమించడానికి అత్యవసరం. మన శక్తులను అర్థం చేసుకొని, ఆత్మవిశ్వాసంతో ముందుకు సాగితే, ఏ కష్టమైనా జయించవచ్చు.*

*ఆలోచనలు: అభివృద్ధికి, వ్యక్తిగతమైన విజయానికి తోడు సమాజానికి కూడా మేలు చేసే దిశలో ఆలోచించాలి అని కలామ్ గారు చెబుతారు.

మంచి ఆలోచనలు - సమాజానికి మార్గదర్శకం

విక్రమ్ చదువులో చాలా ప్రతిభావంతుడు, అందరూ అతని తెలివితేటలను మెచ్చుకునేవారు. అతనికి ఉద్యోగ అవకాశాలు కూడా ఎన్నో వచ్చాయి, కానీ విక్రమ్ ఎప్పుడూ కేవలం తన వ్యక్తిగత విజయానికే కాదు, తన విద్యతో సమాజానికి కూడా మేలు చేయాలని అనుకునే వాడు.

విక్రమ్ ఓ రోజు ఒక పెద్ద నగరంలో ఉన్న కంపెనీ నుంచి మంచి ఉద్యోగ ఆఫర్ పొందాడు. కానీ అదే సమయంలో, అతని స్వగ్రామంలో ప్రజలు మంచినీటి కొరతతో ఇబ్బంది పడుతున్నారనే విషయం తెలిసింది. గ్రామంలోని ప్రజలందరూ ఆ సమస్యను పరిష్కరించలేక సతమతమవుతున్నారు.

విక్రమ్ ఆ సమయంలో ఒక పెద్ద నిర్ణయం తీసుకున్నాడు. తన వ్యక్తిగత అభివృద్ధి కోసం నగరానికి వెళ్లకుండా, తన సొంత గ్రామానికి మేలు చేసే ఆలోచనతో, తన సాంకేతిక జ్ఞానాన్ని ఉపయోగించి గ్రామంలో మంచినీటి సమస్య పరిష్కరించాల నుకున్నాడు.అతను ప్రభుత్వ సహాయం పొందడానికి, గ్రామంలో ఉన్న రిసోర్సులు సద్వినియోగం చేసుకోవడానికి ప్రయత్నాలు మొదలు పెట్టాడు. కొన్ని నెలల పాటు శ్రమించి, గ్రామంలో మంచినీటి సరఫరా కోసం ఒక నూతన సాంకేతికతను ప్రవేశపెట్టాడు. ఈ ప్రాజెక్ట్ విజయవంతమై, గ్రామంలోని ప్రతి ఇంటికి శుద్ధమైన మంచినీరు అందింది.అతని కృషి వల్ల గ్రామస్థులు ఎంతో ఆనందించారు. విక్రమ్ తన వ్యక్తిగత విజయాన్ని కాదని, సమాజానికి మేలు చేసే ఆలోచనతో చేసిన పనికి ప్రతి ఒక్కరూ ప్రశంసించారు.

మన ఆలోచనలను ఇతరుల శ్రేయస్సు కోసం మార్చుకుంటే, సమాజం మొత్తం అభివృద్ధి చెందుతుంది.

* జ్ఞానాన్ని పంచుకోవడం: ఇతరులతో జ్ఞానాన్ని పంచుకోవడం ద్వారా సమాజం మొత్తం అభివృద్ధి చెందుతుందని ఆయన భావన.

జ్ఞానాన్ని పంచుకోవడం - అభివృద్ధికి బాట

రామన్ ఒక చిన్న పట్టణంలో నివసించేవాడు. అతనికి చదువుపై, శాస్త్రవిజ్ఞానంపై ఎంతో మక్కువ. చాలా పుస్తకాలు చదివి, తనకు తెలిసిన జ్ఞానాన్ని విస్తరించుకున్నాడు. అతని కంటే ముందున్నవారు ఆయన జ్ఞానాన్ని తమకే పరిమితం చేసుకునే వాళ్ళు, కానీ రామన్ మాత్రం జ్ఞానాన్ని పంచుకోవడం ద్వారా మరింత అభివృద్ధి సాధిస్తామని నమ్మేవాడు.

ఒక రోజు, తన గ్రామంలో ఉన్న పాఠశాలలో విద్యార్థులు సరైన పాఠశాల ఉపకరణాలు లేక, సరైన బోధన కూడా లేక, సరిగా చదువుకోలేకపోతున్నారనే విషయం రామన్‌కు తెలుసు. అతను వారి సమస్యను పరిష్కరించాలని నిర్ణయించుకున్నాడు. తన దగ్గరున్న శాస్త్ర జ్ఞానాన్ని, అనుభవాలను పంచుకోవాలని భావించాడు. రామన్ ప్రతి రోజూ గ్రామంలోని పిల్లలతో కొన్ని గంటల పాటు గడిపేవాడు. వారికి సైన్స్ పాఠాలు, లెక్కలు, కొత్త విషయాలు బోధిస్తూ, చిన్న చిన్న ప్రయోగాలు చూపించేవాడు. రామన్ చెప్పిన సులభమైన పద్ధతులు, ఆలోచనా విధానం పిల్లలలో ఉత్సాహం రేకెత్తించాయి.

కొన్నేళ్లలో, రామన్ జ్ఞానాన్ని పంచుకోవడం వల్ల పిల్లలు బాగా అభివృద్ధి చెందారు. వాళ్ళు రాష్ట్ర స్థాయి పరీక్షల్లో విజయాలను సాధించడం మొదలుపెట్టారు. విద్యార్థులు కూడా ప్రముఖ సైన్స్ పరిశోధనల్లో పాల్గొనడం ప్రారంభించారు. రామన్ తన జ్ఞానాన్ని పంచుకోవడం ద్వారా గ్రామం మొత్తం అభివృద్ధి చెందింది.

రామన్ విజయాన్ని చూసిన ఇతరులు కూడా తన పద్ధతులను అనుసరిస్తూ, జ్ఞానాన్ని పంచుకోవడం ప్రారంభించారు. రామన్ ఎప్పుడూ చెప్పినట్లే, "జ్ఞానం పంచుకుంటే మాత్రమే సమాజం అభివృద్ధి చెందుతుంది."

*జ్ఞానాన్ని ఇతరులతో పంచుకోవడం ద్వారా, వ్యక్తిగతంగా మాత్రమే కాకుండా సమాజం మొత్తం అభివృద్ధి చెందుతుంది.

*విజ్ఞాన సాంకేతికతకు ప్రాధాన్యం: ఆయన ప్రధానంగా యువతకు విజ్ఞానం, సాంకేతికత గురించి అవగాహన కల్పించాలని, కొత్త ఆవిష్కరణలలో భాగస్వామ్యంగా ఉండాలని ప్రోత్సహించారు.

అనిల్ అనే యువకుడికి కొత్త ఆవిష్కరణలపై ఎంతో ఆసక్తి. అతని గ్రామంలో సాంకేతికత అంటే ఎవరికి పెద్దగా అవగాహన ఉండేది కాదు, కానీ అనిల్ ప్రతి చిన్న కొత్త సాంకేతిక పరిజ్ఞానం గురించి తెలుసుకోవాలని ప్రయత్నించేవాడు.

ఒక రోజు అనిల్ తన గ్రామంలో ఉన్న రైతుల సమస్యలను గమనించాడు. వారు పంటల సకాలంలో నీరుపోసుకోవడం, నాణ్యమైన రసాయనాలు వినియోగించడం వంటి పనుల్లో చాలా ఇబ్బందులు పడుతున్నారని గ్రహించాడు. అనిల్ తన సాంకేతిక జ్ఞానం ఉపయోగించి, ఈ సమస్యకు పరిష్కారం కనుగొనాలని నిర్ణయించుకున్నాడు.

అతను ఇంటర్నెట్ ద్వారా వివిధ సాంకేతిక పరిజ్ఞానాలను తెలుసుకొని, డ్రిప్ ఇరిగేషన్ అనే పద్ధతిని గురించి అధ్యయనం చేశాడు. ఈ పద్ధతిలో, తక్కువ నీటితో పంటలకు ఎక్కువ నీరు అందించే సాంకేతికత ఉపయోగించవచ్చు అని తెలుసుకున్నాడు. కానీ గ్రామంలోని రైతులు ఈ కొత్త విధానాన్ని అంగీకరించడానికి ముందుకు రాలేదు, ఎందుకంటే వారికి ఈ సాంకేతికతపై విశ్వాసం లేకపోయింది.

అప్పుడే అనిల్ వారిలో అవగాహన కల్పించాలని నిర్ణయించాడు. రైతులకు ఈ సాంకేతికత ఎలా పనిచేస్తుంది, దాని వల్ల కలిగే ప్రయోజనాలు ఏమిటి అనే విషయాలపై చిన్న చిన్న సెమినార్లు నిర్వహించాడు. ప్రతి ఒక్కరికి స్పష్టంగా వివరించాడు, అలాగే కొంతమంది రైతుల పొలాల్లో ఈ పద్ధతిని అమలు చేసి చూపించాడు.

కొన్నేళ్లలో, అనిల్ గ్రామంలోని రైతులకు సాంకేతికతను అర్థం చేసుకునేలా చేసి, వారిలో ఆవిష్కరణల పట్ల ఆసక్తి పెంచాడు. ఆ విధానం విజయవంతమై, పంటల ఉత్పత్తి పెరిగింది. ఈ విజ్ఞానాన్ని ఉపయోగించి, ఇతర గ్రామాలకు కూడా అవగాహన పెంచడం ప్రారంభించాడు.

అనిల్ ప్రేరణతో, యువత సాంకేతిక పరిజ్ఞానం పై ఆసక్తి పెంచుకొని, కొత్త ఆవిష్కరణల్లో పాల్గొనడం ప్రారంభించారు. ఆ గ్రామం సాంకేతికతను అంగీకరించి, అభివృద్ధిలో ముందంజ వేయగలిగింది.

*యువత - సవాళ్ళను ఎదుర్కొవాలంటే అబ్ధుల్ కలామ్ చెప్పిన మాటలను స్పూర్తి గా తీసుకుంటే ఉన్నతంగా ఎదుగుతారు.

డా.హిప్నో పద్మా కమలాకర్

కౌన్సెలింగ్ సైకో థెరపిస్టు,హిప్నో థెరపిస్టు

@ 9390044031